Category: 2022

ការស្ទង់មតិបង្ហាញថាអ្នកចូលរួមពីសកលវិទ្យាល័យ NTU ចំនួន១០០ភាគរយចាត់ទុកប្រទេសកម្ពុជាជាគោលដៅការងារក្រោយបញ្ចប់ការសិក្សា

 [រាជធានីភ្នំពេញ ថ្ងៃទី២៩ ខែធ្នូ ឆ្នាំ២០២២] នាពេលថ្មីៗនេះក្រុមហ៊ុន ព្រីនស៍ ហូលឌីង ​គ្រុប​​ ដែលជាសម្ព័ន្ធក្រុមហ៊ុនដ៏ធំឈានមុខគេមួយនៅកម្ពុជា បានធ្វើការគាំទ្រដល់កម្មវិធីសាកលវិទ្យាល័យបច្ចេកវិទ្យាណានយ៉ាង (ហៅកាត់ថា NTU) PEAK ASEAN ដែលជាកម្មវិធីដំបូងបង្អស់មួយ ក្នុងការប្រមូលផ្ដុំនិស្សិតឆ្នើមរបស់សាកលវិទ្យាល័យ NTU ផ្នែកជំនាញធុរកិច្ច មនុស្សសាស្រ្ត សិល្បៈ វិទ្យាសាស្ត្រសង្គម និងវិស្វកម្មមកកាន់ព្រះរាជាណាចក្រកម្ពុជា ដើម្បីចូលរួមចុះកម្មសិក្សារយៈពេលពីរសប្ដាហ៍។ លើសពីនេះ និស្សិតរបស់សាកលវិទ្យាល័យ NTU ត្រូវបានតម្រូវឱ្យធ្វើការសហការជាមួយនឹងនិស្សិតរមកពីវិទ្យាស្ថាន CamEd Business School។ ​លទ្ធផលរំពឹងទុកពីការស្ទង់មតិក្រោយប​ញ្ចប់កម្មវិធីបានបង្ហាញថានិស្សិត NTU ចំនួន១០០ភាគរយបានចាត់ទុកប្រទេសកម្ពុជាជាគោលដៅការងារបន្ទាប់ពីបញ្ចប់ការសិក្សា។

អ្នកគ្រប់គ្រងរបស់ព្រីនស៍ គ្រុប គ្រូណែនាំ និស្សិតសកលវិទ្យាល័យNTU និងនិស្សិតវិទ្យាស្ថាន CamEd ក្នុងអំឡុងពេលធ្វើបទបង្ហាញចុងក្រោយនៅទីស្នាក់ការកណ្តាលរបស់ព្រីនស៍ ហូលឌីង គ្រុប

ព្រីនស៍ ហូលឌីង ​គ្រុប បានចូលរួមផ្ដល់ការងារ និងបរិយាកាសស្រាវជ្រាវដល់និស្សិតទាំងអស់នៅក្នុងកម្មវិធីនេះ ដោយមានការគាំទ្រពីសំណាក់គ្រូជំនាញដែលមកពីអង្គភាពសាជីវកម្មសំខាន់ៗទាំងពីររបស់ខ្លួនរួមមាន ក្រុមហ៊ុនប៊ែល រ៉ូដ ឃែភីថលមេនេចមុិន និងព្រីនស៍ រៀល អ៊ីស្ទេត គ្រុប។

 ដោយត្រូវបានបង្កើតឡើងនៅក្នុងឆ្នាំ២០១៧ NTU PEAK ASEAN គឺជាកម្មវិធីបន្ថែមពីលើកម្មវិធី NTU PEAK ដែលជាកម្មវិធីសិក្សាមានរយៈពេលបីសប្តាហ៍ និងត្រូវបានរៀបចំជាធម្មតានៅក្នុងប្រទេសសិង្ហបុរី ដែលសិស្សានុសិស្សធ្វើការរួមគ្នាជាក្រុមដើម្បីធ្វើការស្រាវជ្រាវ ការស្ទង់មតិ​ និងបង្ហាញដំណោះស្រាយដែលអាចសម្រេចបាននូវបញ្ហាប្រឈមសម្រាប់មុខជំនួញជាក់ស្តែងដែលផ្តល់ជូនដោយដៃគូសាជីវកម្មដែលចូលរួម។

លោក Desmond Woo សាកលវិទ្យាធិការរងពី​សាកលវិទ្យាល័យបច្ចេកវិទ្យាណានយ៉ាង បានមានប្រសាសន៍ថា៖ ‌«ដោយឈរលើគោលការណ៍នៃការគិតបែបរចនា កម្មវិធី NTU PEAK បានរៀបចំរួមគ្នាជាមួយក្រុមហ៊ុនជាដៃគូ ដើម្បីអភិវឌ្ឍនិស្សិតដែលមានសក្តានុពលខ្ពស់ ដែលនឹងក្លាយជាអ្នកដឹកនាំនាពេលអនាគតក្នុងវិស័យឧស្សាហកម្មពាក់ព័ន្ធនានា សម្រាប់ទីកន្លែងធ្វើការ និងសហគមន៍។» លោកបានបន្តថា៖ «យើងសូមថ្លែងអំណរគុណចំពោះ ព្រីនស៍ គ្រុប សម្រាប់ការគាំទ្រដល់សិស្សានុសិស្សរបស់យើងក្នុងកម្មវិធីសិក្សានៅក្នុងប្រទេសកម្ពុជា និងជួយដល់សិស្សរបស់យើងនូវការយល់ដឹងអំពីទីផ្សារដែលកំពុងរីកចម្រើនយ៉ាងឆាប់រហ័សនេះ។»

 ជាមួយគ្នានេះ លោក Gabriel Tan ប្រធានផ្នែកទំនាក់ទំនងនៃក្រុមហ៊ុន ព្រីនស៍ ហូលឌីង គ្រុប បានថ្លែងថា៖ ‌«កម្មវិធី NTU PEAK ASEAN គឺជាឱកាសដ៏ល្អមួយដើម្បីកែលម្អការយល់ដឹងរបស់អនាគតមេដឹកនាំរបស់ប្រទេសសិង្ហបុរីក្នុងវិស័យឧស្សាហកម្មពាក់ព័ន្ធនានា អំពីប្រទេសកម្ពុជា។» លោកបានបន្ថែមថា៖ « សិស្សនិស្សិតចូលរួមនៃកម្មវិធីនេះ បានធ្វើអន្តរកម្មយ៉ាងទូលំទូលាយជាមួយនឹងថ្នាក់ដឹកនាំជាន់ខ្ពស់អន្តរជាតិរបស់យើង ដែលថ្នាក់ដឹកនាំបានស្ងើចសរសើរដល់ការបង្ហាញដំណោះស្រាយយ៉ាងទូលំទូលាយរបស់ពួកគេនៅក្នុងបទបង្ហាញចុងក្រោយរបស់ពួកគេ។ ក្នុងនាមជាអតីតនិស្សិតសាកលវិទ្យាល័យ NTU ខ្ញុំពិតជាទន្ទឹងរង់ចាំស្វាគមន៍អ្នកចូលរួម និងដៃគូដែលមានសក្តានុពលបន្ថែមទៀតនាពេលអនាគត។»

ការអភិវឌ្ឍធនធានមនុស្សជាចំណុចផ្តោតសំខាន់ចំបងរបស់មូលនិធិព្រីនស៍ដែលជាផ្នែកមនុស្សធម៌របស់ព្រីនស៍ហូលឌីង គ្រុប។ គ្រុបនេះតែងជាអ្នកគាំទ្រវិស័យអប់រំកម្រិតឧត្តមសិក្សានៅប្រទេសកម្ពុជា ហើយកំពុងធ្វើការជ្រើសរើសសិស្សអាហារូបករណ៍ចេនហ្សីជំនាន់ទី២។ តាមរយៈមូលនិធិព្រីនស៍ និស្សិតចំនួន១០០នាក់ បានទទួលអាហារូបករណ៍សម្រាប់ឆ្នាំសិក្សា ២០២១​ ២០២២ ដែលធ្វើឱ្យពួកគេបានសិក្សាថ្នាក់បរិញ្ញាបត្រនៅសាកលវិទ្យាល័យកំពូលៗក្នុងប្រទេស។ ក្រោមការដឹកនាំ និងសប្បុរសធម៌របស់អ្នកឧកញ៉ា ចេនហ្សី ប្រធានសម្ព័ន្ធក្រុមហ៊ុនព្រីនស៍ ហូលឌីង គ្រុប មូលនិធិព្រីនស៍នឹងបន្តធ្វើការឆ្ពោះទៅរកការពង្រឹងកិច្ចខិតខំប្រឹងប្រែងលើកកម្ពស់ធនធានមនុស្ស ស្របតាមសសរស្តម្ភស្នូលនៃការអប់រំ និងការអភិវឌ្ឍយុវជន។

ថ្នាក់ដឹកនាំជាន់ខ្ពស់របស់TAFTAC នៅមជ្ឍមណ្ឌលបណ្ុះបណ្តាលវជ្ជាជីវៈនាឡិកាព្រីនស៍

ឆ្វេងទៅស្តាំ អ្នកនាង Ceci Hon អ្នកជំនាញផ្នែកទំនួលខុសត្រូវសង្គមនៃមូលនិធិព្រីនស៍ , លោក Gabriel Tan ប្រធានផ្នែកទំនាក់ទំនងនៃព្រីនស៍ហូលឌីងគ្រុប, អ្នកស្រី Doreen Tan នាយក TAFTAC, លោក Maarten Pieters ទីប្រឹក្សាបច្ចេកទេសនៃមជ្ឍមណ្ឌលបណ្តុះបណ្តាលវជ្ជាជីវៈនាឡិកាព្រីនស៍, និងលោក Albert Tan អនុប្រធាន TAFTAC.

[Phnom Penh, 5 December 2022] មជ្ឍមណ្ឌលបណ្តុះបណ្តាលវជ្ជាជីវៈនាឡិកាព្រីនស៍ មានសេចក្តីសោមនស្សរីករាយដែលបានរៀបចំដំណើរទស្សនកិច្ចសម្រាប់ថ្នាក់ដឹកនាំជាន់ខ្ពស់ពី TAFTAC ( សមាគមវាយនភណ្ឌ សម្លៀកបំពាក់ ស្បែកជើង និងទំនិញធ្វើដំណើរ) មកកាន់មជ្ឈមណ្ឌល​បណ្តុះបណ្តាលរបស់ពួកយើង។

លោក Albert Tan អនុប្រធាន TAFTAC និង អ្នកស្រី Doreen Tan នាយក TAFTAC បានទទួលការស្វាគមន៍ដោយ លោក Gabriel Tan ប្រធានផ្នែកទំនាក់ទំនងនៃព្រីនស៍ហូលឌីងគ្រុប និងលោក Maarten Pieters ទីប្រឹក្សាបច្ចេកទេសនៃមជ្ឍមណ្ឌលបណ្ុះបណ្តាលវជ្ជាជីវៈនាឡិកាព្រីនស៍។

ក្នុងអំឡុងពេលទស្សនកិច្ចនេះ លោក Maarten បានណែនាំសិស្សដែលទើបបញ្ចប់ការសិក្សចំនួន៦នាក់ និងជាបុគ្គលិកពេញសិទ្ធិរបស់មជ្ឍមណ្ឌលបណ្ុះបណ្តាលវជ្ជាជីវៈនាឡិកាព្រីនស៍។ ពួកគេបានទទួលការសិក្សាពីដំណើរការដ៏ស្មុគស្មាញនៃការផលិតនាឡិកាស្វីសក្នុងរយៈពេលពីរឆ្នាំកន្លងមក ក៏ដូចជាចែករំលែកពីរបៀបដែលមជ្ឍមណ្ឌលត្រូវបានបង្កើតតាំងពីដំបូង។

លោក Albert Tan បានថ្លែងថា៖ « វាជាអ្វីដែលថ្មី និងការយល់ដឹងកាន់តែប្រសើរឡើងអំពីវិស្វកម្ម និងការបង្កើតនាឡិកា។ យើងសូមអរគុណដល់មជ្ឍមណ្ឌលបណ្ុះបណ្តាលវជ្ជាជីវៈនាឡិកាព្រីនស៍ សម្រាប់ទស្សនកិច្ចនេះ និងសម្រាប់ការចែករំលែកអំពីមីក្រូមេកានិច និងការផលិតនាឡិកាពីគ្រូដែលមានបទពិសោធន៍។

លោក Gabriel Tan ប្រធានផ្នែកទំនាក់ទំនងនៃព្រីនស៍ហូលឌីងគ្រុបបានលើកឡើងថា​៖ យើងមានសេចក្តីសោមនស្សរីករាយដែលបានទទួលដំណើរទស្សនកិច្ចដោយថ្នាក់ដឹកនាំកំពូលរបស់ TAFTAC ដែលជាស្ថាប័នសំខាន់មួយ ដែលមានសារៈសំខាន់ក្នុងការជួយដល់កំណើនសេដ្ឋកិច្ចរបស់កម្ពុជា។ អ្វី​ដែល​ពួកគេ​សម្រេច​បាន​ក្នុង​ទំហំ​សម្រាប់​ប្រទេស​កម្ពុជា គឺ​ពិតជា​គួរ​ឲ្យ​ចាប់អារម្មណ៍ ហើយ​យើង​ជឿជាក់​ថា​មាគ៌ា​អរិយធម៌​នឹង​ដើរតួ​នាទី​ក្នុង​ការ​អភិវឌ្ឍ​ធនធានមនុស្ស និង​សេដ្ឋកិច្ច​របស់​ប្រទេស​កម្ពុជា​ផងដែរ។

[Phnom Penh, 30 November 2022] តើអ្នកធ្លាប់បានទស្សនាវីដេអូនៃការរំលឹកខួបលើកទី ៣០ នៃសកម្មភាពដោះមីននៅកម្ពុជាហើយឬនៅ?

កម្មវិធីអភិវឌ្ឍន៍របស់អង្គការសហប្រជាជាតិ (UNDP) រួមជាមួយនឹង អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន(CMAA) ថ្មីៗនេះបានបញ្ចេញសារជាវីដេអូមួយដែលមានលោក Daniel Craig តារាសម្តែងជនជាតិអង់គ្លេសដ៏ល្បីល្បាញលើពិភពលោក និងជាអ្នកតស៊ូមតិសកលរបស់អង្គការសហប្រជាជាតិសម្រាប់ការលុបបំបាត់មីន និងជាតិផ្ទុះ គ្រោះមហន្តរាយ ដើម្បីរំលឹកខួបលើកទី ៣០ នៃសកម្មភាពដោះមីននៅកម្ពុជា!

CMAA ថ្មីៗនេះបានបើកការតាំងពិពណ៌ដើម្បីប្រារព្ធខួប ៣០ ឆ្នាំនៃប្រតិបត្តិការដោះមីន។ បច្ចុប្បន្នកម្ពុជាបានបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះ (UXO) លើផ្ទៃដីចំនួន ២,៥៣១ គីឡូម៉ែត្រការ៉េ ពីភូមិចំនួន ១,៧០៣ ហើយបានប្រែក្លាយវាទៅជាដីលំនៅដ្ឋាន និងកសិកម្មប្រកបដោយសុវត្ថិភាពសម្រាប់ប្រជាជនប្រមាណ ៩លាននាក់ក្នុងរយៈពេល ៣០ ឆ្នាំកន្លងមកនេះ។

យើងជាអ្នកគាំទ្រដ៏មានមោទនភាពរបស់ UNDP និង CMAA ហើយយើងរីករាយក្នុងការប្រើប្រាស់គ្រប់ធនធាននៅក្នុងការសមត្ថភាពរបស់យើង ដើម្បីជួយប្រទេសកម្ពុជាឱ្យក្លាយប្រទេសគ្មានមីននៅឆ្នាំ ២០២៥!

យើងពិតជារីករាយ ប្រសិនបើអ្នកអាចជួយចែករំលែកការសារបង្ហោះនេះ ដើម្បីបង្កើនការយល់ដឹងអំពីសកម្មភាពដោះមីននៅកម្ពុជា។

អ្នកអាចស្វែងរកតំណភ្ជាប់ទៅកាន់វីដេអូនៅទីនេះ៖ href=”https://youtu.be/L84q4_F8phk”>https://youtu.be/L84q4_F8phk

#ប្រទេសកម្ពុជា #សកម្មភាពដោះមីន #undp #cmaa #danielcraig
#មូលនិធិព្រីនស៍

[រាជធានីភ្នំពេញ​ ថ្ងៃទី១៦ ខែវិច្ឆិកា ឆ្នាំ២០២២] ព្រះរាជាណាចក្រកម្ពុជា ក្នុងនាមជាប្រធាន និងជាម្ចាស់ផ្ទះនៃកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធនានា បានបង្ហាញនិងប្រគល់នាឡិកាដៃដ៏ប្រណិតដែលផលិតត្រឹមតែ ២៥ គ្រឿងប៉ុណ្ណោះ ជូនជាអំណោយដល់ថ្នាក់ដឹកនាំពិភពលោកនានាដែលបានចូលរួមកិច្ចប្រជុំកំពូលអាស៊ាន។

នាឡិកាដៃ ASEAN Lotus Tourbillion ត្រូវបានរចនានិងផ្តុំឡើងជាពិសេស ដោយមជ្ឈមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ដែលជាមជ្ឈមណ្ឌលបណ្តុះបណ្តាលវិជ្ជាជីវៈផលិតនាឡិកានៅកម្ពុជា ដែលនាឡិកាដៃប្រណិតប្រភេទ ASEAN Lotus Tourbillion នេះ បានបញ្ជាក់អំពីស្មារតីនៃការរួបរួមរបស់ប្រទេសជាសមាជិកអាស៊ានដែលមិនអាចកាត់ថ្លៃបាន និងជាតំណាងនៃកម្លាំងចលនាដ៏មុតមាំក្នុងការជំនះគ្រប់ឧបសគ្គ ក៏ដូចជាបញ្ហាប្រឈមនានារបស់ប្រទេសជាសមាជិក និងប្រទេសជាដៃគូសន្ទនាទាំងអស់។ ជាមួយគ្នានេះ នាឡិកាដៃចំនួន ២៥គ្រឿងនេះ គឺជាអំណោយចំណងអនុស្សាវរីយ៍សម្រាប់កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅឆ្នាំ២០២២ ក្រោមមូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» ដែលកម្ពុជាធ្វើជាប្រធានអាស៊ាន។

ឯកឧត្តម លុយ ដាវីត រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងជាប្រធានលេខាធិការដ្ឋានគណៈកម្មការជាតិ រៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ បានមានប្រសាសន៍ថា៖ «ក្នុងឆ្នាំនេះ កម្ពុជាធ្វើជាប្រធានអាស៊ាន គឺជាឆ្នាំមួយដែលត្រូវបានសម្គាល់ដោយមានកិច្ចសហប្រតិបត្តិការជាមួយបណ្តាប្រទេសអាស៊ាន ដៃគូខាងក្រៅនានា និងស្ថាប័នអភិវឌ្ឍន៍អន្តរជាតិរបស់ខ្លួន ក្រោមការដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា។ នាឡិកាដៃដ៏ល្អប្រណិតនេះ ត្រូវបានរចនាឡើងតាមបែបសិល្បៈយ៉ាងល្អឥតខ្ចោះសម្រាប់ជាអំណោយអនុស្សាវរីយ៍ដ៏ស្រស់ស្អាតនៃកិច្ចប្រជុំកំពូលអាស៊ាននៅឆ្នាំ២០២២។​»

ជាមួយគ្នានេះ លោក Sack-Man Loui នាយកនៃមជ្ឈមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា បានថ្លែងថា៖ «​ ការផ្តោតសំខាន់ចំបងរបស់មជ្ឈមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា គឺមានទំនួលខុសត្រូវក្នុងការផលិតនាឡិកាដៃប្រណិតដែលមានចំនួនកំណត់ និងបណ្តុះបណ្តាលអ្នកមានទេពកោសល្យ ក៏ដូចជាបង្កើតផ្លូវអាជីពថ្មីមួយសម្រាប់ប្រជាជនកម្ពុជាដែលមានទេពកោសល្យ និងមានចំណាប់អារម្មណ៍ក្នុងជំនាញផ្នែកផលិតនាឡិកាដ៏ល្អប្រណិត។ »

មជ្ឈមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា គឺជាគំនិតផ្តួចផ្តើមអភិវឌ្ឍន៍ធនធានមនុស្សដ៏សំខាន់ ក្រោមការដឹកនាំរបស់ អ្នកឧកញ៉ា ចេន ហ្ស៊ី ប្រធានក្រុមហ៊ុន ព្រីនស៍ ហូលឌីង គ្រុប ដើម្បីបណ្តុះបណ្តាលជំនាញផលិតនាឡិកាដ៏ពិសេសនៅកម្ពុជា ដោយផ្តល់ជូនកម្មវិធីសិក្សាយ៉ាងម៉ត់ចត់ក្នុងរយៈពេល ៣៤០០ម៉ោង ទៅលើមុខវិជ្ជាមីក្រូមេកានិក និងមុខវិជ្ជាផលិតនាឡិកាដែលបង្រៀនស្របតាមស្តង់ដារអន្តរជាតិ។ ថ្មីៗនេះ សិស្សនិស្សិតកម្ពុជាដែលមានទេពកោសល្យចំនួន ៦នាក់ បានបញ្ចប់ការសិក្សាពីកម្មវិធីបណ្តុះបណ្តាលដែលមានរយៈពេលពីរឆ្នាំ ក្រោមការផ្ដល់ជូនអាហារូបករណ៍ពេញលេញ និងទទួលបានការបង្រៀនពីសាស្រ្តាចារ្យជំនាញដែលទទួលបានការបណ្តុះបណ្តាលនៅប្រទេសស្វីស។ ក្រុមសិស្សនិស្សិតនៃមជ្ឈមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា សម្រាប់វគ្គបន្ទាប់នឹងចាប់ផ្តើមការបណ្តុះបណ្តាលរបស់ពួកគេនៅខែមករា ឆ្នាំ ២០២៣។

ចប់

អំពីនាឡិកាដៃ ASEAN Lotus Tourbillion

នាឡិកាដ៏ប្រណិតនេះត្រូវបានរចនាឡើងដោយការបំផុសគំនិតតាមនិមិត្តសញ្ញាផ្កាឈូក ដែលជានិមិត្តសញ្ញាតំណាងឱ្យកម្ពុជាជាប្រធានអាស៊ាន ព្រមទាំងតំណាងឱ្យភាពបរិសុទ្ធ និងភាពរឹងមាំ។
ជាមួយនឹងមូលបទ មជ្ឈភាព​​អាស៊ាន ការតាក់តែងយ៉ាងម៉ត់ចត់នៃត្របកផ្កាទាំង ១០ បង្កប់នូវ ស្មារតី និងការខិតខំប្រឹងប្រែងរួមគ្នារបស់ប្រជាជាតិអាស៊ានទាំង ១០ ដែលចងភ្ជាប់ជាមួយគ្នាដោយមិត្តភាព និងសាមគ្គីភាព ជាមួយនឹងគោលដៅរួមនៃការជម្នះរាល់បញ្ហាប្រឈមនានាដើម្បីធានាបាននូវការអភិវឌ្ឍរួម និង​ប្រកបដោយ​និរន្តរភាពនៃសហគមន៍អាស៊ាន។

​​នាឡិកាដៃដ៏ប្រណិតនីមួយៗ ស្រោបដោយដែកកម្រាស់ ៤៣.៥ មីលីម៉ែត្រ រួមជាមួយនឹងការបំពាក់ដោយត្បូងកណ្តៀងគ្រីស្តាស់ ដែលរំលេចនៅផ្នែកខាងមុខនៃផ្ទៃខាងក្រោយសំបកនាឡិកា។ នាឡិកាដៃមានពណ៍ស្រាសាំប៉ាញ់ (The champagne dial) ជាមួយនឹងសន្ទស្សន៍ស្រោបមាស រំលេចក្រោមទ្រនិចវិនាទីនៅត្រង់សន្ទស្សន៍លេខ៦ តុបតែងជាមួយនឹងការរចនាជាផ្កាឈូក។

ASEAN Lotus Tourbillon ធ្វើឡើងពីចលនាមេកានិចខ្យល់ដោយដៃផ្ទាល់ ដែលអាចផ្តល់ថាមពលបង្វិល ​(Tourbillon) ដំណើរការសម្រាប់រយៈពេល៦០វិនាទី។ វាមានថាមពលបម្រុងរហូតដល់៤៨ម៉ោង និងថាមពលដំណើរការនៅប្រេកង់ ៣​ហឺត។ នាឡិកាដៃដ៏ប្រណិតនេះមានរចនាតាមបទបែបបុរាណ មានភាពថ្លៃថ្លូរ និងជាទំនុកចិត្តសម្រាប់អ្នកប្រើប្រាស់។

[រាជធានីភ្នំពេញថ្ងៃទី ១០ ខែវិច្ឆិកា ឆ្នាំ២០២២] មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ដែលបង្កើតឡើងដោយមូលនិធិព្រីនស៍ ក្នុងការនាំយកការអប់រំផ្នែកផលិតនាឡិកាស្វីសដ៏ល្អបំផុតមកកាន់កម្ពុជា មានមោទនភាពក្នុងការប្រកាសថា និស្សិតកម្ពុជាចំនួន ៦នាក់ ដំបូងរបស់ខ្លួនបានបញ្ចប់ការសិក្សាដោយជោគជ័យពីកម្មវិធីសិក្សារយៈពេលពីរ ឆ្នាំ អំពីផ្នែកមីក្រូមេកានិក និងការផលិតនាឡិកា។

និស្សិតបញ្ចប់ការសិក្សាទាំង ៦រូបរួមមាន​ ចក់ សំសូរិយា លន សេរីវឌ្ឍន៏ សាក់ លីហួ សាមុត ផានីឆារ៉ាត សែម ធារ៉ា និង អ៊ឹង ឈុនឡុង បានទទួលវិញ្ញាបនបត្ររបស់ពួកគេនៅក្នុងកម្មវិធីផ្លូវការមួយ ដែលធ្វើឡើងនៅទីស្នាក់ការកណ្តាលក្រុមហ៊ុន ព្រីនស៍ ហូលឌីង គ្រុប ជាមួយនឹងការចូលរួមពីសមាជិកគ្រួសាររបស់ពួកគេ និងបុគ្គលិក មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ក្នុងការអបអរសាទរក្នុងឱកាសដ៏សែនរីករាយនេះ។

 លោកសាក់ លីហួ ដែលជាសិស្សម្នាក់ក្នុងចំណោមសិស្សដែលបានបញ្ចប់ការសិក្សាពី មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ក្នុងឆ្នាំ ២០២២ បានថ្លែងជាសុន្ទរកថាក្នុងពិធីបញ្ចប់ការសិក្សារថា៖

« ខ្ញុំ​សូម​ថ្លែង​អំណរ​គុណ​ដល់សាស្រ្ដាចារ្យ​របស់​យើង​នៅ មជ្ឍមណ្ឌលបណ្តុះបណ្តាលវិជ្ជាជីវៈនាឡិកាព្រីនស៍ ដែល​បាន​ធ្វើ​ការ​ដោយមិនខ្លាច​​នឿយ​ហត់​ក្នុងការផ្តល់​ពេល​វេលា ការ​ខិត​ខំ និង​ការ​រួម​ចំណែកជួយដល់ពួកយើង​។ បើ​គ្មាន​ការ​គាំទ្រ ​ពីសំណាក់​អ្នកទាំងអស់គ្នា​ទេ យើង​នឹង​មិន​មានថ្ងៃនេះនោះទេ។ ជាមួយនឹងអត្ថប្រយោជន៍ជាច្រើននៃវគ្គសិក្សារយៈពេលពីរឆ្នាំនេះ ដែលផ្តល់ឱ្យយើងយល់ដឹងនូវជំនាញមូលដ្ឋាន យើងពិតជាមានសេចក្តីសោមន្សរីករាយនឹងទទឹងរង់ចាំក្នុងការចូលរួមចំណែកនៅក្នុងវិស័យនេះ។ ខ្ញុំក៏សូមថ្លែងអំណរគុណយ៉ាងស្មោះស្ម័គ្រចំពោះលោកប្រធានក្រុមហ៊ុន ​ព្រីនស៍ ហូលឌីង គ្រុប អ្នកឧកញ៉ា ចេន ហ្ស៉ី ក៏ដូចជា មូលនិធិព្រីនស៍ ដែលបានផ្តល់ឱកាសដ៏មានតម្លៃ ដើម្បីឱ្យពួកយើងបានបន្តក្តីសុបិនរបស់ពួកយើង។»

«ជាមួយនឹងវិស័យដែលមិនធ្លាប់មានពីមុនមកនៅក្នុងប្រទេសកម្ពុជា មជ្ឍមណ្ឌលបណ្តុះបណ្តាលវិជ្ជាជីវៈនាឡិកាព្រីនស៍ បានឈានជើងចូលទៅក្នុងការបង្កើតមូលដ្ឋានដែលសមត្ថភាពដ៏សំខាន់សម្រាប់ការចាប់ផ្តើមដ៏រឹងមាំមួយនេះ។»  ប្រសាសន៍របស់ លោកស្រី Jessica Thakur ទីប្រឹក្សាបច្ចេកទេស និងជាគ្រូបង្រៀននៅ មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា។ ​លោកស្រីបានបន្ត «ជាមួយនឹងតម្រូវការខ្ពស់សម្រាប់អ្នកផលិតនាឡិកាដែលមានជំនាញ អនាគតពួកគេគឺពិតជាត្រចះត្រចង់ណាស់សម្រាប់និស្សិតបញ្ចប់ការសិក្សាពី មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ទាំងក្នុងស្រុក ក្នុងតំបន់ និងអន្តរជាតិ។»

« តាមរយៈ មូលនិធិព្រីនស៍ ដែលជាផ្នែកសប្បុរសធម៌របស់ ក្រុមហ៊ុន ព្រីនស៍ ហូលឌីង គ្រុប ពួកយើងបានជួយបើកដំណើរការនូវ មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា កាលពីឆ្នាំ ២០២០កន្លងទៅ នៅពេលដែលប្រទេសកម្ពុជាកំពុងឆ្លងកាត់ការផ្លាស់ប្តូរដែលមិនធ្លាប់មានពីមុនមក។ » ប្រសាសន៍របស់ លោក Gabriel Tan, ប្រធានផ្នែកទំនាក់ទំនងនៃក្រុមហ៊ុន ​ព្រីនស៍ ហូលឌីង គ្រុប។​ ​លោកបានបន្ត « មជ្ឍមណ្ឌលនេះគឺជាការឆ្លុះបញ្ចាំងដ៏អស្ចារ្យនៃ ការតស៊ូនៃស្មារតីខ្មែរ ក្នុងការរួមបញ្ចូលគ្នានៃកិច្ចសហប្រតិបត្តិការផ្លាស់ប្តូរវប្បធម៌ទៅវិញទៅមក និងអត្ថប្រយោជន៍ជាច្រើននៃការអប់រំវិជ្ជាជីវៈ ដែលខ្ញុំប្រាកដថានឹងបន្តលើកទឹកចិត្ត និងនាំយកមនុស្សទាំងពិភពលោកឱ្យកាន់តែជិតស្និទ្ធគ្នានាពេលអនាគត។ »

មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា ត្រូវបានបង្កើតឡើងដោយ អ្នកឧកញ៉ា ចេន ហ្ស៉ី ប្រធានក្រុមហ៊ុន ព្រីនស៍ ហូល ឌីងគ្រុប ដែលជាអ្នកស្រលាញ់នាឡិកា និងរូបលោកបានយកចិត្តទុកដាក់យ៉ាងខ្លាំង ចំពោះមណ្ឌលបណ្តុះបណ្តាលមួយនេះ។ នៅមជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា សិស្សនិស្សិតមានឱកាសប្រើប្រាស់ឧបករណ៍ និងបរិក្ខារទំនើបៗ ហើយស្ថិតនៅក្រោមការបង្ហាត់បង្រៀនពីគ្រូបង្ហាត់ជនជាតិស្វីសដែលមានជំនាញវិជ្ជាជីវៈនិងបទពិសោធន៍រួមបញ្ចូលគ្នាជាង ៦០ ឆ្នាំនៅក្នុងវិស័យផលិតនាឡិកាស្វីស និងការអប់រំផ្នែកផលិតនាឡិកាស្វីស រួមទាំងមានបទពិសោធន៍ធ្វើការនៅក្នុងក្រុមដ៏ប្រណិតដូចជា Swatch Group និង Richemont និងកម្មវិធីបណ្តុះបណ្តាល និងអប់រំនៃការផលិតនាឡិកានៃប្រទេសស្វីសដ៏ល្បីល្បាញលើពិភពលោក (WOSTEP) ផងដែរ។

មជ្ឍមណ្ឌលបណ្តុះបណ្តាលវិជ្ជាជីវៈ ព្រីនស៍ នាឡិកា មានចក្ខុវិស័យមួយក្នុងការណែនាំជំនាញ និងបច្ចេកវិទ្យានៃការផលិតនាឡិកាស្វីសទំនើប ក៏ដូចជាបន្តភាពគោរពនិង ឱ្យតម្លៃចំពោះប្រពៃណីដ៏សម្បូរបែប ក៏ដូចជាសិល្បៈហត្ថកម្មនៃការផលិតនាឡិកាលំដាប់ខ្ពស់ផងដែរ។ នេះហើយគឺជាអ្វីដែលធ្វើឱ្យមជ្ឍមណ្ឌលនេះមានភាពខុសប្លែក បើប្រៀបធៀបជាមួយសាលាផលិតនាឡិកាអន្តរជាតិដទៃទៀត។ ភាពជោគជ័យនេះ គឺត្រូវបានជំរុញដោយប្រទេសកម្ពុជាដែលមាននូវមរតកវប្បធម៌ដ៏សម្បូរបែបនៅក្នុងជំនាញសិល្បៈហត្ថកម្ម និងសិល្បៈនានា។

បច្ចុប្បន្ននេះ មណ្ឌលបណ្តុះបណ្តាលបានបើកសម្រាប់បេក្ខជនក្នុងស្រុក និងអន្តរជាតិចុះឈ្មោះសម្រាប់វគ្គសិក្សាបន្ទាប់ដែលនឹងចាប់ផ្តើមនៅថ្ងៃទី ៩ ខែមករា ឆ្នាំ ២០២៣ ប្រជាជនកម្ពុជានឹងទទួលបានអត្ថប្រយោជន៍ជាច្រើនពីកម្មវិធីអាហារូបករណ៍ដែលរួមបញ្ចូលលើថ្លៃសិក្សា ប្រាក់ឧបត្ថម្ភប្រចាំខែ និងប្រាក់ឧបត្ថម្ភស្នាក់នៅ។ សូមទាក់ទងទៅកាន់ មជ្ឈមណ្ឌលបណ្តុះបណ្តាលវិជ្ជាជីវៈនាឡិកា ព្រីនស៍ ដោយផ្ទាល់និងសម្រាប់ព័ត៌មានបន្ថែមអំពីឱកាសពិសេសនេះសូមផ្ងើរសារតាមរយៈ support@princehorology.com

[Phnom Penh, 12 October 2022] កាលពីពេលថ្មីៗនេះ មូលនិធិព្រីនស៍ បានចូលរួមពិធីសន្និសីទកាសែតដែលរៀបចំឡើងដោយសហព័ន្ធកីឡាបាល់ទះកម្ពុជា​ ក្នុងការប្រកាសបើកជាថ្មីម្ដងទៀតនៃការប្រកួតកីឡាបាល់ទះដណ្តើមពានរង្វាន់​ សម្ដេចអគ្គមហាសេនាបតីតេជោ ហ៊ុន សែន ដែលជាព្រឹត្តិការណ៍ដ៏ធំថ្នាក់ជាតិដ៏ល្បីមួយ។

ការប្រកួតដណ្តើមពានរង្វាន់នេះត្រូវបានរៀបចំឡើងម្តងកាលពីឆ្នាំ១៩៩៧ ហើយនឹងរៀបចំឡើងជាថ្មីម្តងទៀត នៅចន្លោះ ថ្ងៃទី ១៥-៣០ ខែតុលា ដោយមានការចូលរួមពីសំណាក់ក្រុមបាល់ទះចំនួន​​ ១១ក្រុម។

យើងជឿជាក់ថា ការប្រកួតនេះនឹងជំរុញទឹកចិត្តយុវជនកម្ពុជាឱ្យស្រលាញ់វិស័យកីឡា និងផ្តល់ឱកាសឱ្យកីឡាករដែលមានបទពិសោធន៍ក្នុងការហ្វឹកហាត់មុនការប្រកួតកីឡាស៊ីហ្គេមឆ្នាំ២០២៣នៅកម្ពុជាចូលមកដល់!

យើងពិតជាមានមោទកភាពណាស់ដែលបានចូលរួមពង្រឹងវិស័យកីឡាបាល់ទះកម្ពុជា តាមរយៈការនាំយកគ្រូបង្វឹកកំពូល និងការសម្របសម្រួលក្នុងការប្រកួតមិត្តភាពអន្តរជាតិ។ សម្រាប់បងប្អូនដែលនៅទីក្រុងភ្នំពេញ សូមអញ្ជើញមកទស្សនាការប្រកួតនៅកីឡាដ្ឋានព្រីនស៍ ឬទស្សនាការផ្សាយផ្ទាល់នៃការប្រកួតមិត្តភាពអន្តរជាតិនៅលើកញ្ចក់ទូរទស្សន៍ជាតិ!

#កីឡា #កីឡាបាល់ទះ #កម្ពុជា #មូលនិធិព្រីនស៍ #ព្រីនស៍ហូលឌីងគ្រុប

អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍ ហូលឌីង គ្រុប បានទទួលពានរង្វាន់ Gold Stevie® Award ជាសហគ្រិនឆ្នើមប្រចាំឆ្នាំ ក្នុងប្រភេទសម្ព័ន្ធក្រុមហ៊ុនពហុផលិតផលដ៏ធំមួយជាលើកទី២ នៅក្នុងកម្មវិធីពានរង្វាន់ធុរកិច្ចអន្តរជាតិប្រចាំឆ្នាំលើកទី១៩ ដែលជាកម្មវិធីពានរង្វាន់ដ៏មានកិត្យានុភាព។ បន្ថែមពីនេះ ក្រុមហ៊ុនក៏បានឈ្នះពានរង្វាន់ Bronze Stevie® Awards ក្នុងប្រភេទ ក្រុមហ៊ុនប្រចាំឆ្នាំ និងក្នុងប្រភេទ សាជីវកម្មដ៏មានការទទួលខុសត្រូវសង្គមបំផុតឆ្លើយតបទៅនឹងវិបត្តិនៃជម្ងឺកូវីដ-១៩ ផងដែរ។ ហើយគ្រុប ក៏បានទទួលកំណត់ត្រាឈ្នះពានរង្វាន់ចំនួន១០ ជាប់ៗគ្នាក្នុងឆ្នាំនេះ។

អ្នកឧកញ៉ា ចេន ហ្ស៊ី ដែលជាសហគ្រិនកម្ពុជាមួយរូប គឺជាស្ថាបនិកនៃសម្ព័ន្ធក្រុមហ៊ុន ព្រីនស៍ ហូលឌីង គ្រុប ដែលជាសម្ព័ន្ធក្រុមហ៊ុនពហុផលិតផលដ៏ធំមួយនៅកម្ពុជា រួមជាមួយនឹងក្រុមហ៊ុនបុត្រសម្ព័ន្ធនានារបស់ខ្លួនក្នុងការផ្ដោតសំខាន់ទៅលើវិស័យស្នូលសំខាន់ៗចំនួន៣ ដែលរួមមាន ការអភិវឌ្ឍន៍វិស័យអចលនទ្រព្យ ការផ្ដល់ជូនសេវាកម្មហរិញ្ញវត្ថុ និងការបម្រើសេវាអតិថិជន។ ជាមួយគ្នានេះ លោកក៏ជាស្ថាបនិកនៃ មូលនិធិព្រីនស៍ ដែលជាមូលនិធិសាជីវកម្មដីល្បីមួយដែលបានផ្តួចផ្ដើមនូវសកម្មភាពសង្គមនានាក្នុងការរួមចំណែកលើកកម្ពស់ការអប់រំ ការថែទាំសុខភាព និងការចូលរួមក្នុងសហគមន៍តាមរយៈភាពជាដៃគូជាមួយវិស័យសាធារណៈ និងឯកជន។

ក្នុងរយៈពេល ៥ឆ្នាំ ចុងក្រោយនេះ ក្រុមហ៊ុនបានវិនិយោគទឹកប្រាក់រាប់ពាន់លានដុល្លារអាមេរិក ទៅលើគម្រោងផ្សេងៗនៅប្រទេសកម្ពុជា។ សម្ព័ន្ធក្រុមហ៊ុនបានចូលរួមចំណែកយ៉ាងសំខាន់ក្នុងវិធានការប្រយុទ្ធប្រឆាំងជម្ងឺរាតត្បាតនៅកម្ពុជា ក្នុងការកាត់បន្ថយឱ្យមានការរំខានដល់អាជីវកម្មតិចតួចបំផុតសម្រាប់ការបញ្ចប់គម្រោងផ្សារទំនើប លំនៅដ្ឋាន និងពាណិជ្ជកម្មឱ្យបានទាន់ពេលវេលានៅទូទាំងប្រទេសកម្ពុជា ទោះបីមានវិបត្តិនៃជម្ងឺរាតត្បាតក៏ដោយ។

គណកម្មការនៃកម្មវិធីបានមានប្រសាសន៍ថា “អ្នកឧកញ៉ា ចេន ហ្ស៊ី បានចូលរួមចំណែកក្នុងការអភិវឌ្ឍសង្គមនៅកម្ពុជា ដោយលោកបានប្រមូលផ្តុំថ្នាក់ដឹកនាំមកពីវិស័យផ្សេងៗជាច្រើន ក្នុងការជួយអភិវឌ្ឍន៍សហគមន៍ តាមរយៈការផ្តល់ជូននូវលំនៅដ្ឋានដែលមានតម្លៃសមរម្យ ការចាក់វ៉ាក់សាំងការពារជម្ងឺកូវីដ-១៩ សកម្មភាពសប្បុរសធម៌ ការសិក្សាអប់រំ និងការផ្តល់ឱកាសការងារដល់ក្មេងៗជំនាន់ក្រោយ”។

គណកម្មការនៃកម្មវិធីបានបន្តថា “ដោយមានចក្ខុវិស័យរយៈពេលជាង ៣០ឆ្នាំ កន្លងមករបស់សម្ព័ន្ធក្រុមហ៊ុន ក្នុងការនាំមកជូននូវលំនៅដ្ឋានដែលមានតម្រូវការខ្ពស់ និងការរួមចំណែកដល់យុទ្ធសាស្ត្រដែលប្រកបដោយនិរន្តរភាពសម្រាប់ដំណើរឆ្ពោះទៅរក Net Zero (ការសម្រេចបាននូវតុល្យភាពរវាងបរិមាណនៃការបំភាយឧស្ម័នដែលបានផលិត និងការបញ្ចេញចេញពីបរិយាកាស ដើម្បីកាត់បន្ថយការឡើងកំដៅផែនដី) គឺជាគោលដៅដ៏គួរឱ្យកោតស្ញប់ស្ញែង និងជាមធ្យោបាយមួយដើម្បីនាំមកនូវការច្នៃប្រឌិត និងវិបុលភាពដល់ប្រទេសកម្ពុជាទាំងមូល”។

អ្នកឧកញ៉ា ចេន ហ្ស៊ី ទទួលបានការគាំទ្រពីសំណាក់ក្រុមអ្នកគ្រប់គ្រងជាន់ខ្ពស់លំដាប់អន្តរជាតិដែលដឹកនាំលើវិស័យធនាគារ (ធនាគារ Prince Bank) សេវាអាកាសចរណ៍ (ក្រុមហ៊ុន Cambodia Airways) សេវាអចលនទ្រព្យ (ក្រុមហ៊ុន Prince Real Estate, ក្រុមហ៊ុន Prince Huan Yu Real Estate, ក្រុមហ៊ុន Canopy Sands Development) និងសេវាគ្រប់គ្រងលើការវិនិយោគ (ក្រុមហ៊ុន Belt Road Capital, ក្រុមហ៊ុន Awesome Investment Group)

លោក Gabriel Tan ប្រធានផ្នែកទំនាក់ទំនងនៃក្រុមហ៊ុន ព្រីនស៍ ហូលឌីង គ្រុប បានមានប្រសាសន៍ថា  “ពានរង្វាន់ទាំងនេះបង្ហាញពីឆន្ទៈ និងការតស៊ូរបស់យើងក្នុងគោលបំណងធ្វើឱ្យមានភាពខុសគ្នាជាវិជ្ជមានទៅកាន់សង្គមកម្ពុជា”។ លោកបានបន្តថា “រាល់កិច្ចខិតខំប្រឹងប្រែងរបស់យើងទាំងអស់នឹងមិនអាចកើតឡើងបានទេបើគ្មានការគាំទ្រពីសហគមន៍ និងការខិតខំប្រឹងប្រែងរបស់បុគ្គលិកទាំងអស់នៅក្នុងក្រុមហ៊ុនដែលជាសមាជិករបស់សម្ព័ន្ធក្រុមហ៊ុន”។

កាលពីឆ្នាំមុន អ្នកឧកញ៉ា ចេន ហ្ស៊ី បានចុះហត្ថលេខាលើការចាប់ផ្តើមនៃកម្មវិធីអាហារូបករណ៍ ចេន ហ្ស៊ី ដែលជាគំនិតផ្តួចផ្តើមមួយដែលមូលនិធិរបស់ក្រុមហ៊ុន បានធ្វើការជាមួយក្រសួងអប់រំ យុវជន និងកីឡា និងស្ថាប័នឧត្តមសិក្សាកំពូលៗក្នុងស្រុក ដើម្បីចាប់ផ្តើមកម្មវិធីអាហារូបករណ៍ដែលមានទឹកប្រាក់ប្រមាណ ២លានដុល្លារអាមេរិក សម្រាប់សិស្ស ៤០០នាក់ ដែលកម្មវិធីនេះមានរយៈពេល ៧ឆ្នាំ។

មូលនិធិព្រីនស៍ មានមោទកភាពដែលបានក្លាយជាអ្នកឧបត្ថម្ភនៃកម្មវិធីកីឡាវាយកូនហ្គោល SGMC & Phillip Bank Golf Funtasia ដែលសហការរៀបចំដោយមណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ (អេស ជី អឹម ស៊ី) និងធនាគារ ហ្វីលីព។

កម្មវិធីនេះត្រូវបានរៀបចំឡើងនៅ City Golf Club ដែលទទួលបានការចូលរួមពីសំណាក់អ្នកជំនួញ និងបុគ្គលដែលមានមុខមាត់ក្នុងស្រុកមួយចំនួន ក្នុងគោលបំណងលើកកម្ពស់ការថែទាំសុខភាព និងណែនាំអំពីសេវាធនាគារដល់អតិថិជនអាទិភាពសម្រាប់ការធ្វើឱ្យមានភាពប្រសើរឡើងនៃប្រទេសកម្ពុជា។ រួមជាមួយគ្នានេះ Prince Brewing ក៏បានចូលរួមផ្ដល់ជាស្រាបៀរស្រស់ៗដល់អ្នកចូលរួមក្នុងអំឡុងពេលកម្មវិធីនេះផងដែរ។

លោក Chan Mach នាយកប្រតិបត្តិធនាគារហ្វីលីព បានមានប្រសាសន៍ថា “ពួកយើងរីករាយណាស់ដែលបានសហការជាមួយមណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ (អេស ជី អឹម ស៊ី) ក្នុងការរៀបចំកម្មវិធីកីឡាវាយកូនហ្គោលនេះឡើង។ យើងសង្ឈឹមថាប្រជាជនកម្ពុជាអាចទទួលបានអត្ថប្រយោជន៍យ៉ាងទូលំទូលាយពីការធានារ៉ាប់រងសុខភាព និងសេវាកម្មហិរញ្ញវត្ថុរបស់ពួកយើង។” ។

ជាមួយគ្នានេះ លោក Yeong Hock Ming អ្នកគ្រប់គ្រងផ្នែកលក់ និងអភិវឌ្ឍន៍អាជីវកម្មនៃមណ្ឌលវេជ្ជសាស្ត្រ ស៊ីងហ្គាពួរ មេឌីខល សេនធ័រ (អេស ជី អឹម ស៊ី) បានមានប្រសាសន៍ថា “អេស ជី អឹម ស៊ី មានគោលបំណងផ្ដល់ជូននូវសេវាថែទាំសុខភាពបែបវេជ្ជសាស្រ្តតាមស្តង់ដាររបស់ប្រទេសសិង្ហបុរីជូនប្រជាជនកម្ពុជាដោយផ្តោតសំខាន់ទៅលើការផ្ដល់ជូននូវសេវាថែទាំសុខភាព និងសុខុមាលភាព” ។

មូលនិធិព្រីនស៍ ដែលជាមូលនិធិសប្បុរសធម៌របស់ ព្រីនស៍ គ្រុប មានគោលបំណងជំរុញការពិភាក្សារវាងភាគីពាក់ព័ន្ធនឹងផ្នែកថែទាំសុខភាព និងផ្នែកអាជីវកម្មមករួមគ្នា។ ទន្ទឹមនឹងនេះផងដែរ កម្មវិធីក៏មានការដាក់បង្ហាញផ្សព្វផ្សាយនូវគុណតម្លៃស្នូល និងការងាររបស់ មូលនិធិព្រីនស៍។

រួមជាមួយនឹងការគាំទ្រក្រុមកីឡាបាល់ទះ និងក្រុមកីឡាបាល់បោះរទេះជនពិការ មូលនិធិព្រីនស៍ នឹងបន្តយកកីឡាជាវិថីមួយដើម្បីបង្កើនការយល់ដឹងអំពីសុខភាព និងធ្វើឱ្យមានការផ្លាស់ប្តូរជាវិជ្ជមាននៅកម្ពុជា។

មូលនិធិព្រីនស៍ បានធ្វើការឧបត្ថម្ភក្នុងកម្រិតថ្នាក់“ប្រាក់”ដល់កម្មវិធីរាត្រីសប្បុរសធម៌ ដែលរៀបចំឡើងដោយសភាពាណិជ្ជកម្មម៉ាឡេស៊ីនៅកម្ពុជា (MBCC) ដោយបានរៃអង្គាសថវិកា ដើម្បីចូលរួមជួយធ្វើឱ្យខេត្តកំពង់ស្ពឺក្លាយទៅជាខេត្តដែលគ្មានមីនមួយទៀតនៅកម្ពុជា។

ដើម្បីចូលរួមក្នុងការឆ្លើយតបទៅនឹងយុទ្ធនាការថ្នាក់ជាតិស្ដីអំពី “គម្រោងសម្តេចតេជោសម្រាប់សកម្មភាពមីន” កម្មវិធីរាត្រីសប្បុរសធម៍របស់សភាពាណិជ្ជកម្មម៉ាឡេស៊ីនៅកម្ពុជា (MBCC) បានសហការរៀបចំរួមគ្នាជាមួយអាជ្ញាធរមីនកម្ពុជា (CMAA) ដោយបានប្រមូលផ្ដុំសាជីវកម្មសហការឧបត្ថម្ភចំនួន២១ និងអ្នកចូលរួមប្រមាណជិត ៥០០នាក់។

ជាមួយគ្នានេះ ភ្ញៀវកិត្តយសដែលបានអញ្ជើញជាគណៈអធិបតីចូលរួមក្នុងកម្មវិធីរួមមាន ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ឯកឧត្តម ទេសរដ្ឋមន្រ្តី លី ធុច អនុប្រធានទី១ នៃអាជ្ញាធរមីនកម្ពុជា និងជាប្រធានសហព័ន្ធកីឡាបាល់បោះរទេះជនពិការកម្ពុជា (“CWBF”) និង ឯកឧត្តម Eldeen Husaini Mohd Hashim ឯកអគ្គរដ្ឋទូតម៉ាឡេស៊ីប្រចាំកម្ពុជា។

គូសបញ្ជាក់ថា ចំពោះថវិកាដែលរៃអង្គាសបានក្នុងកម្មវិធីសប្បុរសធម៍នេះនឹងត្រូវយកទៅប្រើប្រាស់ក្នុងការការពារអាយុជីវិតប្រជាជនដែលរស់នៅក្នុងខេត្តកំពង់ស្ពឺតាមរយៈប្រតិបត្តិការបោសសម្អាតមីន ដែលមានការចូលរួមពីភាគីពាក់ព័ន្ធជាច្រើនទាំងក្នុងតំបន់ និងអន្តរជាតិ។

លោកឧកញ៉ា Tan Khee Meng ប្រធានសភាពាណិជ្ជកម្មម៉ាឡេស៊ីនៅកម្ពុជា បានមានប្រសាសន៍ថា “ជាមួយនឹងមូលដ្ឋានគ្រឹះដ៏រឹងមាំដែលមាននៅក្នុងប្រទេសកម្ពុជាអស់រយៈពេលជាងបីទសវត្សរ៍ យើងមានសេចក្តីសោមនស្សរីករាយក្នុងការរួមចំណែកដល់ប្រទេស មិនត្រឹមតែក្នុងការអភិវឌ្ឍអាជីវកម្មតាមរយៈការជំរុញការវិនិយោគរបស់ម៉ាឡេស៊ីប៉ុណ្ណោះទេ ប៉ុន្តែថែមទាំងធានាបាននូវអនាគតដ៏មានសុវត្ថិភាពសម្រាប់ប្រជាជនកម្ពុជាផងដែរ”។

រួមជាមួយគ្នានេះផងដែរ លោក Gabriel Tan ប្រធានផ្នែកទំនាក់ទំនងរបស់ ព្រីនស៍ ហូលឌីង គ្រុប បានមានប្រសាសន៍ថា “មូលនិធិព្រីនស៍ មានសេចក្តីសោមនស្សរីករាយក្នុងការបន្តការចូលរួមរបស់ខ្លួនក្នុងសកម្មភាពកំចាត់មីនតាមរយៈយុទ្ធនាការនេះ ដោយប្រមូលផ្តុំភាគីពាក់ព័ន្ធទាំងអស់ទាំងក្នុងតំបន់ និងអន្តរជាតិ។ យើងទន្ទឹងរង់ចាំក្នុងការរួមចំណែករបស់យើងក្នុងការកសាងប្រទេសកម្ពុជាឱ្យកាន់តែប្រសើរ និងមានសុវត្ថិភាពសម្រាប់ទាំងអស់គ្នា”។

មូលនិធិព្រីនស៍ បានធ្វើការយ៉ាងជិតស្និទ្ធជាមួយអាជ្ញាធរមីនកម្ពុជា (CMAA) ហើយបានប្តេជ្ញាចំពោះយុទ្ធនាការគោលដៅកម្ពុជាគ្មានមីននៅឆ្នាំ២០២៥។ នៅក្នុងខែកក្កដា មូលនិធិបានជួយលើកកម្ពស់ការយល់ដឹងតាមរយៈការផលិតវីដេអូសកម្មភាព និងបទសម្ភាសន៍ជាមួយអ្នកដោះមីនក្នុងអំឡុងពេលទស្សនកិច្ចនៅខេត្តពោធិសាត់ ដែលរៀបចំដោយអាជ្ញាធរមីន និងមូលនិធិ The Sir Bobby Charlton ។ មូលនិធិព្រីនស៍ ក៏បានបង្ហាញពីការគាំទ្រជាបន្តបន្ទាប់ដល់ក្រុមបាល់បោះរទេះជនពិការកម្ពុជា ដែលកីឡាករភាគច្រើនជាជនរងគ្រោះដោយសារគ្រាប់មីន៕

យោងតាមរបាយការណ៍ទស្សនវិស័យទីផ្សារការងាររបស់សហរដ្ឋអាមេរិកកាលពីពេលថ្មីៗនេះ* ៩៣% នៃនិយោជកបានលើកឡើងថា ជំនាញទន់ដើរតួនាទីយ៉ាងសំខាន់ក្នុងការសម្រេចចិត្តជ្រើសរើសបុគ្គលិករបស់ពួកគេ។

ដើម្បីបង្កើនសក្តានុពលនៃអាជីពការងាររបស់និស្សិតអាហារូបករណ៍ ចេន ហ្ស៊ី ទាំង ២០នាក់ មូលនិធិព្រីនស៍ បានសហការជាមួយក្រុមហ៊ុនប្រឹក្សាអភិវឌ្ឍន៍ទេពកោសល្យ Grow4Growth រៀបចំសិក្ខាសាលាបណ្តុះបណ្តាលជំនាញទន់រយៈពេល ៣ថ្ងៃ ដើម្បីលើកកម្ពស់ការអភិវឌ្ឍន៍ខ្លួន ចំណេះដឹងផ្នែកហិរញ្ញវត្ថុ និងជំនាញក្នុងការគិតពិចារណាទៅកាន់និស្សិត។

សិក្ខាសាលានេះត្រូវបានប្រារព្ធឡើងចាប់ពីថ្ងៃទី២៨ ដល់ថ្ងៃទី៣០ ខែកក្កដា ជាភាសាខ្មែរ និងភាសាអង់គ្លេសដោយគ្រូជំនាញល្បីក្នុងស្រុកដែលមានបទពិសោធន៍ក្នុងការបណ្តុះបណ្តាល។

នៅថ្ងៃដំបូងនៃវគ្គបណ្តុះបណ្តាល និស្សិតបានសិក្សា និងអភិវឌ្ឍសក្តានុពលរបស់ពួកគេដោយបានពង្រឹងនូវការស្គាល់អំពីខ្លួនឯង ដឹងពីគោលដៅរបស់ខ្លួន និងវិធីសាស្រ្តសម្រាប់ការលើកទឹកចិត្តខ្លួនឯង។ ថ្ងៃទីពីរនៃវគ្គបណ្តុះបណ្តាល និស្សិតរបស់យើងបានទទួលការបំប៉នចំណេះដឹងផ្នែកហិរញ្ញវត្ថុ ដើម្បីឱ្យពួកគេអាចគ្រប់គ្រងហិរញ្ញវត្ថុរបស់ខ្លួននាពេលបច្ចុប្បន្ន និងអនាគតដោយជោគជ័យ ខណៈដែលថ្ងៃចុងក្រោយនៃវគ្គបណ្តុះបណ្តាលបានផ្តោតទៅលើការអភិវឌ្ឍជំនាញក្នុងការគិតប្រកបដោយភាពច្នៃប្រឌិត និងជំនាញវិភាគ ដែលជួយឱ្យពួកគេត្រៀមខ្លួនរួចជាស្រេចសម្រាប់បញ្ហាប្រឈមនានាក្នុងអំឡុងពេលសិក្សារបស់ពួកគេ។

លោក Gabriel Tan នាយកជាន់ខ្ពស់ផ្នែកទំនាក់ទំនងរបស់ ព្រីនស៍ ហូលឌីង គ្រុប បានមានប្រសាសន៍ថា “ជំនាញនានា ក៏ដូចជាជំនាញវិភាគដែលតម្រូវឱ្យមានដើម្បីឆ្លើយតបទៅនឹងបដិវត្តន៍ឧស្សាហកម្ម ៤.០ បានបង្ហាញឱ្យឃើញថាសិស្សនិស្សិតមិនអាចពឹងផ្អែកលើការសិក្សាក្នុងសាលាតែមួយមុខនោះទេ”។ លោកបានបន្តថា “ការសិក្សាពេញមួយជីវិត ជំនាញវិភាគ និងជំនាញហិរញ្ញវត្ថុផ្ទាល់ខ្លួន គឺរឹតតែមានសារៈសំខាន់សម្រាប់និស្សិតសាកលវិទ្យាល័យដែលកំពុងស្វែងរកអនាគតដ៏ល្អមួយ ហើយមូលនិធិព្រីនស៍ មានសេចក្តីរីករាយក្នុងការសហការជាមួយ Grow4Growth ដើម្បីធានាឱ្យបានថា សិស្សនិសិត្សរបស់យើងទាំងអស់បានរៀបចំខ្លូនរួចរាល់សម្រាប់អនាគតរបស់ខ្លួន”។

ជាមួយគ្នានេះ លោកស្រី Kim Tol Tan ស្ថាបនិក និងជានាយកប្រតិបត្តិនៃក្រុមហ៊ុន Grow4Growth Consultant បានមានប្រសាសន៍ថា “ការអភិវឌ្ឍន៍សមត្ថរបស់បុគ្គលគ្រប់រូប គឺជាបេសកកម្មរបស់យើង ហើយយើងមានកិត្តិយសក្នុងការធ្វើសហការជាមួយ មូលនិធិព្រីនស៍ និងនិស្សិតអាហារូបករណ៍ ចេន ហ្ស៊ី ដែលពួកគាត់បានបង្ហាញពីឆន្ទៈ និងសក្តានុពលរបស់ខ្លួនក្នុងអំឡុងពេលសិក្ខាសាលា”។ លោកស្រីបានបន្តថា “យើងមានកិត្តិយសដែលបានចូលរួមចំណែកក្នុងការអភិវឌ្ឍន៍សមត្ថភាពរបស់យុវជនកម្ពុជាយើងឲ្យមានអនាគតភ្លឺស្វាង”។

កម្មវិធីអាហារូបករណ៍របស់ មូលនិធិព្រីនស៍ (ដែលមូលនិធិសប្បុរសធម៌របស់ ព្រីនស៍ ហូលឌីង គ្រុប) គឺអាហារូបករណ៍ ចេន ហ្ស៊ី (ដែលដាក់ឈ្មោះតាមអ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍ គ្រុប) មានគោលបំណងផ្តល់ទាំងជំនួយក្នុងការសិក្សា និងបទពិសោធន៍ការងារដល់និស្សិត ដោយធានាថាពួកគេទទួលបានការអប់រំដែលមានគុណភាព ក៏ដូចជាឱកាសក្នុងការដកបទពិសោធការងារស្ដង់ដាអន្តរជាតិ។

*ZipRecruiter (https://www.ziprecruiter.com/grad-report), “2022 Job Market Outlook for Grads”
https://www.ziprecruiter.com/grad-report